జంగారెడ్డిగూడెం, జూన్ 15: టీ. నర్సాపురం మండలానికి చెందిన ఓ వివాహిత అదృశ్యమైన ఘటనలో జంగారెడ్డిగూడెం పోలీసులు వేగంగా స్పందించి గంటల వ్యవధిలోనే ఆమెను గుర్తించి కుటుంబ సభ్యులకు అప్పగించారు. పోలీసుల సమర్థవంతమైన చర్యలతో మహిళ సురక్షితంగా తన కుటుంబాన్ని చేరుకోవడంతో బాధిత కుటుంబ సభ్యులు హర్షం వ్యక్తం చేశారు.
వివాహిత కనిపించడం లేదని సమాచారం అందుకున్న వెంటనే జంగారెడ్డిగూడెం ఎస్సై వీరప్రసాద్ తన సిబ్బందితో కలిసి ప్రత్యేక దృష్టి సారించారు. మహిళ ఆచూకీ కోసం వివిధ కోణాల్లో విచారణ చేపట్టి, అందుబాటులో ఉన్న సమాచారాన్ని విశ్లేషిస్తూ గాలింపు చర్యలు ప్రారంభించారు.
పోలీసుల వేగవంతమైన చర్యల ఫలితంగా గంటల వ్యవధిలోనే సదరు మహిళను గుర్తించి సురక్షితంగా అదుపులోకి తీసుకున్నారు. అనంతరం ఆమెను కుటుంబ సభ్యులు, రక్త సంబంధీకులకు అప్పగించారు.
సకాలంలో స్పందించి తమ కుటుంబ సభ్యురాలిని క్షేమంగా తిరిగి అప్పగించినందుకు బాధితురాలి కుటుంబ సభ్యులు ఎస్సై వీరప్రసాద్తో పాటు పోలీసు సిబ్బందికి కృతజ్ఞతలు తెలిపారు. ఈ ఘటనలో పోలీసుల అప్రమత్తత, బాధ్యతాయుతమైన పనితీరు పట్ల స్థానికంగా ప్రశంసలు వ్యక్తమవుతున్నాయి.
