ఏలూరు, జూలై 12: జాతీయ న్యాయ సేవాధికార సంస్థ, న్యూఢిల్లీ, ఆంధ్రప్రదేశ్ రాష్ట్ర న్యాయ సేవాధికార సంస్థ, అమరావతి, అలాగే ఉమ్మడి పశ్చిమగోదావరి జిల్లా అడ్మినిస్ట్రేటివ్ జడ్జి జస్టిస్ కె. శ్రీనివాస రెడ్డి ఆదేశాల మేరకు నిర్వహించిన **జాతీయ లోక్ అదాలత్లో ఉమ్మడి పశ్చిమగోదావరి జిల్లా వ్యాప్తంగా మొత్తం 7,910 కేసులు పరిష్కారమయ్యాయని** జిల్లా న్యాయ సేవాధికార సంస్థ చైర్పర్సన్, జిల్లా ప్రధాన న్యాయమూర్తి శ్రీమతి ఎస్. శ్రీదేవి తెలిపారు.
ఆదివారం విడుదల చేసిన ప్రకటనలో ఆమె మాట్లాడుతూ, ఈ నెల 11న నిర్వహించిన జాతీయ లోక్ అదాలత్ కోసం జిల్లా వ్యాప్తంగా **36 బెంచీలను** ఏర్పాటు చేసినట్లు తెలిపారు. ఏలూరులో 10, భీమవరంలో 5, తణుకులో 5, నర్సాపురంలో 4, తాడేపల్లిగూడెంలో 3, కొవ్వూరులో 2, జంగారెడ్డిగూడెంలో 2, పాలకొల్లులో 2, నిడదవోలులో 1, చింతలపూడిలో 1, భీమడోలులో 1 బెంచ్ చొప్పున ఏర్పాటు చేసి కేసుల పరిష్కారానికి చర్యలు చేపట్టినట్లు పేర్కొన్నారు.
లోక్ అదాలత్లో **7,857 పెండింగ్ కేసులు, 53 ప్రీ-లిటిగేషన్ కేసులు** కలిపి మొత్తం **7,910 కేసులు** రాజీ ద్వారా పరిష్కరించినట్లు వెల్లడించారు. పరిష్కారమైన పెండింగ్ కేసుల్లో **7,454 క్రిమినల్ కేసులు, 185 మోటారు వాహన ప్రమాద బీమా కేసులు, 215 సివిల్ కేసులు** ఉన్నాయని తెలిపారు. అదనంగా 53 ప్రీ-లిటిగేషన్ కేసులు కూడా పరిష్కారమయ్యాయని చెప్పారు.
కోర్టుల వారీగా పరిశీలిస్తే ఏలూరులో 2,328, తణుకులో 1,197, జంగారెడ్డిగూడెంలో 906, కొవ్వూరులో 756, తాడేపల్లిగూడెంలో 711, భీమవరంలో 478, పాలకొల్లులో 448, చింతలపూడిలో 404, నర్సాపురంలో 335, నిడదవోలులో 228, భీమడోలులో 66 కేసులు పరిష్కరించినట్లు తెలిపారు. జాతీయ లోక్ అదాలత్ విజయవంతానికి సహకరించిన న్యాయవాదులు, పోలీసు అధికారులు, రెవెన్యూ, ఇన్సూరెన్స్, బ్యాంకులు, చిట్ఫండ్ సంస్థలు, కార్మిక శాఖ, మున్సిపల్ సిబ్బంది, బీఎస్ఎన్ఎల్, జిల్లా పంచాయతీ శాఖ, రవాణా, ఎక్సైజ్, రైల్వే, వ్యవసాయ శాఖ అధికారులు, అడ్వకేట్ గుమస్తాలు, మీడియా ప్రతినిధులు తదితర అన్ని శాఖల అధికారులకు జిల్లా ప్రధాన న్యాయమూర్తి ఎస్. శ్రీదేవి, జిల్లా న్యాయ సేవాధికార సంస్థ కార్యదర్శి, సీనియర్ సివిల్ జడ్జి శ్రీమతి ఎన్. శ్రీలక్ష్మి కృతజ్ఞతలు తెలిపారు.
