గుంటూరు, april 30: గుంటూరు పశ్చిమ శాసన సభ్యురాలు Galla Madhavi ను ఓబీసీ సంక్షేమ సంఘం రాష్ట్ర వర్కింగ్ ప్రెసిడెంట్ చాటపర్తి పోసి బాబు, రాష్ట్ర రజక సంఘం నాయకులు మర్యాదపూర్వకంగా కలిసి పూలతో, శాలువాతో సత్కరించారు. రజక జాతి సమస్యలను అసెంబ్లీలో ప్రస్తావిస్తూ, వారిని ఎస్సీ జాబితాలో చేర్చాలని గళం వినిపించినందుకు ప్రత్యేక ధన్యవాదాలు తెలిపారు. ఈ సందర్భంగా రజకుల తరపున ఆమెకు అభినందనలు తెలియజేశారు.
అదేవిధంగా, N. Chandrababu Naidu ఆమెను తెలుగుదేశం పార్టీ పొలిట్బ్యూరో సభ్యురాలిగా నియమించినందుకు కృతజ్ఞతలు తెలిపారు. అలాగే పార్టీ జాతీయ వర్కింగ్ ప్రెసిడెంట్ Nara Lokesh కు కూడా రజక సమాజం తరఫున ధన్యవాదాలు తెలియజేశారు. భవిష్యత్తులో గల్లా మాధవికి మంత్రి పదవి ఇవ్వాలని ఆకాంక్ష వ్యక్తం చేశారు.
ఈ సందర్భంగా నాయకులు మాట్లాడుతూ ఎన్నికల సమయంలో ఇచ్చిన హామీ ప్రకారం రజకులను ఎస్సీ జాబితాలో చేర్చే ప్రక్రియను ముందుకు తీసుకెళ్లాలని కోరారు. ఈ విషయాన్ని అసెంబ్లీలో తీర్మానంగా ఆమోదించి కేంద్ర ప్రభుత్వానికి పంపేలా చర్యలు తీసుకోవాలని విజ్ఞప్తి చేశారు. ముఖ్యమంత్రి తన హామీని నిలబెట్టుకోవాలని డిమాండ్ చేశారు.
ఈ కార్యక్రమంలో ఓబీసీ సంక్షేమ సంఘం రాష్ట్ర మహిళా ప్రధాన కార్యదర్శి దేవరకొండ రమాదేవి, రజక సంఘం రాష్ట్ర నాయకులు పగడాల సాంబశివరావు, రాచకొండ లక్ష్మయ్య, కళ్ళకుంట బ్రహ్మయ్య, గండేపల్లి విజయబాబు, కూచింపూడి సురేష్, అవులమంద వీరబాబు, పేకేటి భాస్కర్, యడవల్లి పాండురంగారావు, తెలుగుదేశం పార్టీ సెక్రటరీ పరుచూరి సంజీవరావు తదితరులు పాల్గొన్నారు. కార్యక్రమం ఆత్మీయ వాతావరణంలో జరిగింది.
