బుట్టాయిగూడెం, జూన్ 15: బుట్టాయిగూడెం మండలం రవ్వవారిగూడెం గ్రామ మాజీ సర్పంచ్ మల్లం లక్ష్మణరావుకు పోలవరం మాజీ శాసనసభ్యుడు తెల్లం బాలరాజు ఆర్థిక సహాయం అందించారు. ఇటీవల బైపాస్ శస్త్రచికిత్స చేయించుకున్న లక్ష్మణరావు ఆరోగ్య సమస్యలతో ఇబ్బందులు ఎదుర్కొంటున్న విషయం తెలుసుకున్న బాలరాజు, స్వయంగా వెళ్లి ఆయనను పరామర్శించారు.
ఈ సందర్భంగా మల్లం లక్ష్మణరావు ఆరోగ్య పరిస్థితిని అడిగి తెలుసుకుని, ధైర్యం చెప్పారు. పార్టీ తరఫున అన్ని విధాలుగా అండగా ఉంటామని, ఎలాంటి అవసరం వచ్చినా సహాయ సహకారాలు అందిస్తామని భరోసా కల్పించారు. ఆయన త్వరగా కోలుకుని సాధారణ జీవితంలోకి రావాలని ఆకాంక్షించారు.
ప్రజా ప్రతినిధిగా ఉన్నప్పటి నుంచే ప్రజల సమస్యల పట్ల స్పందిస్తూ, కష్టసుఖాల్లో భాగస్వామిగా ఉంటున్న బాలరాజు సేవాభావాన్ని స్థానికులు అభినందించారు. అవసరమైన వారికి సహాయం చేయడంలో ఎల్లప్పుడూ ముందుంటారని కొనియాడారు.
“ప్రజలతోనే ప్రయాణం... ప్రజల కోసమే పోరాటం” అనే భావనతో పనిచేస్తూ మరోసారి తన మానవత్వాన్ని చాటుకున్నారని పలువురు పేర్కొన్నారు. మాజీ సర్పంచ్కు అందించిన ఈ సహాయం స్థానికంగా ప్రశంసలు అందుకుంది.
