ఏలూరు, ఏప్రిల్, 04: ఏలూరులోని వైఎమ్ హెచ్ ఎ హాల్ లో ప్రముఖ కళాకారుడు, నాటక రంగ ప్రతిభాశాలి శ్రీ నందమూరి తారకరామారావు 103వ జయంతి వేడుకలను ఘనంగా నిర్వహించేందుకు ఏర్పాట్లు పూర్తి చేశారు. ఏప్రిల్ 5న సాయంత్రం 4 గంటల నుంచి ప్రారంభమయ్యే ఈ కార్యక్రమంలో కళాకారులు, సాహితీవేత్తలు, ప్రముఖులు పాల్గొననున్నారు. 103వ జయంతి సందర్భంగా నిర్వహిస్తున్న ఈ వేడుకలకు ప్రత్యేక ఆకర్షణగా పలు సాంస్కృతిక కార్యక్రమాలు ఏర్పాటు చేశారు.
కార్యక్రమంలో భాగంగా గౌరవ అతిథులుగా పలువురు ప్రముఖులు హాజరుకానున్నారు. ముఖ్య అతిథిగా ఏలూరు జిల్లా తెలుగుదేశం పార్టీ అధ్యక్షులు, ఏలూరు ఎమ్మెల్యే బడేటి రాధాకృష్ణ(చంటి) పాల్గొంటారని నిర్వాహకులు తెలిపారు. ఏలూరులో జరిగే ఈ వేడుకలకు ప్రజలు పెద్ద సంఖ్యలో హాజరుకావాలని నిర్వాహకులు పిలుపునిచ్చారు. ఈ సభలో కళారంగానికి స్వర్గీయ నందమూరి తారక రామారావు చేసిన సేవలను స్మరించుకుంటూ నివాళులు అర్పించనున్నారు.
ఈ సందర్భంగా సన్మాన కార్యక్రమం కూడా నిర్వహించనున్నారు. వివిధ రంగాలలో ప్రతిభ కనబరిచిన కళాకారులు, సామాజిక సేవకులను ఘనంగా సత్కరించనున్నారు. ఈ కార్యక్రమానికి ఏలూరు నగర్ మేయర్ నూర్జహాన్ పెద్దబాబు, ఏలూరు తెలుగుదేశం పార్టీ అధ్యక్షులు చోడే వెంకటరత్నం, ఏలూరు డిప్యూటీ మేయర్ వందనాల దుర్గాభవాని శ్రీనివాస్, ఏలూరు నగర డిప్యూటీ మేయర్ కర్రీ శ్రీనివాస్, ఏలూరు తెలుగుదేశం పార్టీ కార్యదర్శి రెడ్డి నాగరాజు, ఈడా చైర్మన్ పి. శివప్రసాద్, తెలుగుదేశం సీనియర్ నాయకులు చల్లా వెంకటప్రసాద్, ఏలూరు వ్యవసాయ మార్కెటింగ్ చైర్మన్ మావుళ్ళపల్లి పార్ధసారథి, తెలుగుదేశం సీనియర్ నాయకులు బెల్లంకొండ కిషోర్, తదితర నాయకులతో పాటు విశిష్ట అతిథులుగా చీఫ్ ఎగ్జిక్యూటివ్ ఆఫీసర్ ఏలూరు పశ్చిమగోదావరి జిల్లా అసిస్టెంట్ డైరెక్టర్ మైనార్టీ వెల్ఫేర్ కోటా ప్రభాకర్ రావు, డివిజనల్ సంబంధ అధికారి ఏలూరు సిహెచ్ కే దుర్గాప్రసాద్ పాల్గొన్నారు.
ఆత్మీయ అతిథులుగా ఏపీ జానపద కళాకారుల సంఘం అధ్యక్షులు ఎల్ ఆర్ కృష్ణ బాబు, ఏపీ జానపద కళాకారుల గౌరవ సంఘ అధ్యక్షులు తలారి జయ మనోహర్, జిల్లా తెలుగుదేశం పార్టీ సాంస్కృతిక విభాగం అధ్యక్షులు కంచారపు దేవేంద్ర, ఎస్సార్ టీవీ ఛానల్ సింగంశెట్టి సత్యనారాయణ, హేలాపురి కళాకారుల సంక్షేమ సంఘం అధ్యక్షులు పెద్దపాటి రామకృష్ణ, బోర్ర చలమయ్య, నంది అవార్డు గ్రహీత మహమ్మద్ ఖాజావలి, కృష్ణవేణి క్రియేషన్స్ బి జయప్రకాష్, జిల్లా తెలుగుదేశం పార్టీ సంస్కృతి విభాగం కార్యదర్శి కాళ్ళ శ్రీదేవి, ఏపీ జానపద కళాకారుల సంఘం వర్కింగ్ ప్రెసిడెంట్ వీర్నాల కృష్ణ, జిల్లా తెలుగుదేశం పార్టీ సాంస్కృతి విభాగం కార్యదర్శి మహమ్మద్ హసీనా, రాష్ట్ర బుర్రకథ కళాకారుల సంఘం అధ్యక్షులు గొర్రెల కృష్ణ తదితర ఇతర ప్రముఖులు కార్యక్రమంలో పాల్గొని సందేశాలు ఇవ్వనున్నారు.
అలాగే సాంస్కృతిక కార్యక్రమాల ద్వారా కళా ప్రదర్శనలు, సంగీత నృత్య కార్యక్రమాలు ప్రేక్షకులను అలరించనున్నాయి. స్థానిక కళాకారులకు ప్రోత్సాహం కల్పించేలా ఈ కార్యక్రమాన్ని రూపొందించినట్లు నిర్వాహకులు తెలిపారు.
శ్రీ నందమూరి తారక రామారావు 103వ జయంతి వేడుకలను విజయవంతం చేయడానికి అందరూ సహకరించాలని, కళా సంస్కృతిని ప్రోత్సహించే దిశగా ఇలాంటి కార్యక్రమాలు కొనసాగుతాయని నిర్వాహకులు పేర్కొన్నారు.
