మెరిట్ విద్యార్థులను అభినందించిన ఎంపీ పుట్టా మహేష్ కుమార్
జంగారెడ్డిగూడెం, మే 8: స్థానిక Tapas IIT & NEET Academy విద్యాసంస్థ స్థాపించిన మొదటి సంవత్సరంలోనే విశిష్ట ఫలితాలు సాధించి ప్రముఖ జూనియర్ కళాశాలగా గుర్తింపు పొందిందని పలువురు అభినందించారు. గురువారం జంగారెడ్డిగూడెం పర్యటన సందర్భంగా ఏలూరు పార్లమెంట్ సభ్యుడు Putta Mahesh Kumar తపస్ అకాడమీని సందర్శించి మెరిట్ విద్యార్థులను అభినందించారు.
ఈ సందర్భంగా కళాశాల యాజమాన్యం మరియు విద్యార్థులు ఎంపీకి బొకేలు అందించి ఘన స్వాగతం పలికారు. అనంతరం కళాశాల సాధించిన ఫలితాలను ఎంపీకి వివరించారు. జేఈఈ మెయిన్స్–2026 ఫలితాల్లో తపస్ విద్యార్థులు ఆల్ ఇండియా స్థాయిలో ప్రతిభ కనబరిచి AIR 475, AIR 952 ర్యాంకులు సాధించడం సంస్థకు గర్వకారణమని పేర్కొన్నారు.
ఇటీవల విడుదలైన ఇంటర్మీడియట్ పబ్లిక్ పరీక్షల ఫలితాల్లో కూడా తమ విద్యాసంస్థ రాష్ట్ర స్థాయిలో 3వ ర్యాంకు సాధించిందని, అనేక మంది విద్యార్థులు అత్యుత్తమ మార్కులు నమోదు చేశారని యాజమాన్యం వెల్లడించింది.
ఈ సందర్భంగా ఎంపీ పుట్టా మహేష్ కుమార్ మాట్లాడుతూ విద్యార్థుల కృషి, పట్టుదల, అంకితభావాన్ని ప్రశంసించారు. తొలి ఏడాదిలోనే ఇంతటి విజయాలు సాధించడం గొప్ప విషయమని పేర్కొన్నారు. విద్యార్థులను తీర్చిదిద్దిన అధ్యాపక బృందం, వారిని ప్రోత్సహించిన యాజమాన్యాన్ని ప్రత్యేకంగా అభినందించారు.
రాబోయే రోజుల్లో కూడా ఇదే స్థాయిలో కృషి చేసి జిల్లాకు మరింత పేరు తీసుకురావాలని ఆయన ఆకాంక్షించారు. నాణ్యమైన విద్యతో పాటు పోటీ పరీక్షల్లో అత్యుత్తమ ఫలితాలు సాధించేలా విద్యార్థులను తీర్చిదిద్దుతామని కళాశాల యాజమాన్యం తెలిపింది.
ఈ కార్యక్రమంలో తపస్ సంస్థల చైర్మన్ దాకారపు కృష్ణ, డైరెక్టర్లు బుద్దాల సురేష్, సతీష్, పారేపల్లి నరేష్, టీడీపీ సీనియర్ నాయకుడు పారేపల్లి రామారావు, పరిమి రాంబాబు, అధ్యాపకులు, తల్లిదండ్రులు, శ్రేయోభిలాషులు పాల్గొన్నారు.
