‘‘ మోనాలిసా పారిపోయింది’’.. భర్త ఫర్మాన్ సంచలన వీడియో..

ప్రయాగ్‌రాజ్ కుంభమేళా.. సమయంలో వైరల్ అయిన మోనాలిసా గురించి అందరికి తెలిసిందే. ఇటీవల కేరళలో ఫర్మాన్ అనే వ్యక్తిని పెళ్లి చేసుకుని మరోసారి వార్తల్లో నిలిచింది. తాజాగా ఆమె భర్త ఫర్మాన్.. ‘‘మోనాలిసా పారిపోయింది’’ అంటూ సోషల్ మీడియాలో ఒక వీడియో అప్లోడ్ చేయడం సంచలనంగా మారింది. ఆమె అదృశ్యం కావడానికి ఫర్మానే కారణం అంటూ, ఇది ఉద్దేశపూర్వక కుట్ర అంటూ మోనాలిసా తల్లి ఆరోపించింది.

‘‘నేను అజ్మీర్, పుష్కర్‌లలో ఉన్నాను. మోనాలిసా పారిపోయింది, ఆమెను వెతకడానికే నేను ఇక్కడికి వచ్చాను. మిత్రులారా, నాకు అజ్మీర్‌లో మోనాలిసా దొరకలేదు. ఆమెను వెతకడానికి నేను జోధ్‌పూర్‌కు వెళ్తున్నాను. ఎవరికైనా తెలిస్తే దయచేసి నాకు తెలియజేయండి.’’ అంటూ ఫర్మాన్ వీడియోలో పేర్కొన్నాడు.

ఈ విషయం మోసాలిసా కుటుంబంలో తీవ్ర భయాందోళనకు దారి తీసింది. ఆమె తల్లి లతాబాయి, ఆమె తండ్రి జైసింగ్ బోసలే తీవ్ర వ్యాఖ్యలు చేశారు. ఈ పెళ్లి మొత్తం ఒక కుట్ర అని, మరింత ఒత్తిడి తీసుకువస్తే మోనాలిసా అదృశ్యం కావాల్సి వస్తుందని అప్పటికే ఊహాగానాలు బలంగా వ్యాపించాయని కుటుంబ సభ్యులు చెబుతున్నారు. సుమారు 15-20 రోజుల క్రితం ఫర్మాన్ తన కుమార్తెతో మాట్లాడించాడని, ఆ తర్వాత నుంచి మోనాలిసా, ఫర్మాన్లు ఫోన్‌కు సమాధానం ఇవ్వలేదని ఆమె అన్నారు.

ప్రభుత్వ ఆదేశాల మేరకు జాతీయ మానవ హక్కుల కమిషన్, జాతీయ షెడ్యూల్డ్ ట్రైబ్ కమిషన్ జోక్యం చేసుకున్న తర్వాత మోనాలిసా అసలు పుట్టిన తేదీ వెల్లడైంది. ఈ ఆధారంగా మహేశ్వర్ పోలీస్ స్టేషన్‌లో ఫర్మాన్‌పై ఎఫ్‌ఐఆర్ నమోదు చేశారు. మోనాలిసా మైనర్ కావడంతో కఠినమైన పోక్సో చట్టం కింద కేసులు నమోదు చేశారు. దీని తర్వాత ఇప్పుడు అదృశ్యం వ్యవహారం వెలుగులోకి వచ్చింది.

मोनालिसा ने थोड़ी पुछा था की में जिंदगी भर रहूंगी या नहीं 🤣😝 pic.twitter.com/sV8pf3pjSm

— 𝐒ɦυ𐓣𝗒𝗍α (@Shunyta_007) April 12, 2026