ఉండవల్లి, మే 6: ఆంధ్రప్రదేశ్ రాష్ట్ర విద్య, ఐటీ శాఖల మంత్రి మరియు తెలుగుదేశం పార్టీ కార్యనిర్వాహక అధ్యక్షుడిగా బాధ్యతలు స్వీకరించిన Nara Lokeshను తెదేపా జాతీయ ఉపాధ్యక్షులు Y. V. B. Rajendra Prasad ఆధ్వర్యంలో పార్టీ నాయకులు మర్యాదపూర్వకంగా కలిసి శుభాకాంక్షలు తెలిపారు. ఉండవల్లిలోని లోకేష్ నివాసగృహంలో జరిగిన ఈ సమావేశంలో పంచాయతీరాజ్ మరియు ఉయ్యూరు ప్రాంతాలకు చెందిన టీడీపీ నాయకులు పాల్గొన్నారు.
ఈ సందర్భంగా నారా లోకేష్ మాట్లాడుతూ పార్టీ బలోపేతం కోసం ప్రతి నాయకుడు కృషి చేయాలని సూచించారు. రాబోయే స్థానిక సంస్థల ఎన్నికల్లో పార్టీ విజయమే లక్ష్యంగా సమిష్టిగా పనిచేయాలని పిలుపునిచ్చారు. గ్రామస్థాయి నుంచి పార్టీ నిర్మాణాన్ని మరింత పటిష్టం చేయాలని నాయకులకు సూచించినట్లు తెలిపారు.
వైవీబీ రాజేంద్ర ప్రసాద్ మాట్లాడుతూ పార్టీ అధినేత N. Chandrababu Naidu అప్పగించిన ప్రతి బాధ్యతను నారా లోకేష్ సమర్థవంతంగా నిర్వహిస్తూ తన నాయకత్వ సామర్థ్యాన్ని నిరూపించుకున్నారని పేర్కొన్నారు. పార్టీ కార్యనిర్వాహక అధ్యక్షుడిగా లోకేష్ నాయకత్వంలో తెలుగుదేశం పార్టీ మరింత బలపడుతూ తిరుగులేని స్థాయికి చేరుకుంటుందని విశ్వాసం వ్యక్తం చేశారు.
ఈ కార్యక్రమంలో పంచాయతీరాజ్ ఛాంబర్ నాయకులు వానపల్లి లక్ష్మి, వానపల్లి ముత్యాలు, బిర్రు ప్రతాప్ రెడ్డి, టీడీపీ మైనార్టీ సెల్ కార్యదర్శి సయ్యద్ అజ్మతుల్లా బాబు, బీసీ సెల్ కార్యదర్శి రాజులపాటి ఫణి, టీఎన్ఎస్ఎఫ్ అధ్యక్షుడు జంపాన తేజ, హైస్కూల్ కమిటీ చైర్మన్ వీరంకి సాయి కుమార్ తదితర నాయకులు పాల్గొన్నారు.
